Home

Herhúsið

Í Herhúsinu á Siglufirði er gestavinnustofa fyrir innlenda og erlenda myndlistarmenn, tónlistarmenn, rithöfunda eða aðra sem vinna að listsköpun. Herhúsið er nýuppgert jafnt að utan sem innan. Vinnustofan er 70 fermetra salur með um 4 metra lofthæð. Þar er góður iðnaðarvaskur, trönur, borðplötur og búkkar og þægilegur sófi sem einnig má nota sem aukarúm.

Baðherbergið sem er á neðri hæð er með sturtu. Í turninum er björt stúdíóíbúð með tveimur rúmum. Í eldhúsinu er ísskápur, kaffivél, brauðrist, örbylgjuofn og tvær rafmagnshellur. Í húsinu er þráðlaust netsamband með ótakmörkuðu niðurhali. Í salnum er hægt að halda sýningar, fyrirlestra og tónleika í lok dvalar en hljómburðurinn í salnum er einstaklega góður. Herhúsið er í hjarta bæjarins og stutt í alla þjónustu, verslanir, þvottahús og veitingahús.

Staðsetning

Herhúsið
Norðurgata 7b,
580 Siglufjörður