Helstu viðfangsefni Jonathans Harris eru mannleg samskipti. Hann nýtir sér tölvutækni, mannfræði, myndlist og söguformið til að varpa nýju ljósi á samskipti okkar og hegðun. Jonathan hefur haldið úti myndadagbók frá því í ágúst í fyrra. Hann ákvað að setja inn á heimasíðuna sína ljósmyndir á hverjum degi í eitt ár frá 30 ára afmælisdegi sínum.
Myndlistakonan Caroline Doherty hefur dvalið í Herhúsinu síðastliðinn mánuð. Hún kemur frá New Bedford í Massachusetts. Hennar helstu verk eru innsetningar og skúlptúrar en hún notar gjarnan, teikningar, ljósmyndir og hljóðupptökur í innsetningum sínum.
Írski ljósmyndarinn Patric Hogan, sem dvaldi í Herhúsinu í október á síðasta ári, er að gefa út bók núna í apríl sem verður spennandi að sjá. Hægt er að sjá sýnishorn af myndunum í bókinni á heimasíðu Patrics. Bókin heitir Grief tourist og undir tenglinum "sample images", má m.a. finna myndir af nokkrum valinkunnum Siglfirðingum.
